Дэлхийн эрүүл мэндийн байгууллагаас Омикрон хувилбарын тархацтай холбоотойгоор баярын арга хэмжээнүүдээ цуцлахыг уриалжээ. Энэ тухай ДЭМБ-ын тэргүүн, доктор Тедрос Адханом Гебрейесус "Хэн нэгний амьдралыг үгүй хийснээс арга хэмжээнүүдээ цуцалсан нь дээр гээд "шаардлагатай үед хүнд хэцүү шийдвэр гаргаж, арга хэмжээнүүдээ цуцлах эсвэл хойшлуулах хэрэгтэй" гээд омикрон хувилбар Дельта хувилбараас хурдан тархаж байна гэжээ.
Франц, Герман зэрэг хэд хэдэн улс орнууд шинэ хувилбарын тархалтыг зогсоохын тулд ковидын хязгаарлалтаа чангатгаж, аяллын хязгаарлалт тавьсан бол Нидерланд улс Зул сарын баярын үеэр хатуу хөл хорио тогтоогоод байна.
Цагаан ордны тэргүүн, Ерөнхийлөгч Жо Байден "хөл хорио тогтоох" төлөвлөгөөгүй байгаагаа мэдэгджээ. Гэвч тус улсын халдварт өвчний тэргүүлэх мэргэжилтэн, доктор Энтони Фаучи Зул сарын баяраар вакцины бүрэн тундаа хамрагдсан хүмүүсийн дунд ч Омикроны тархалт нэмэгдэж болзошгүй гэж анхааруулж байсан юм. АНУ-ын Өвчний хяналт, урьдчилан сэргийлэх төв болон Төрийн департаментаас иргэдээ Испани, Финланд, Чад, Ливан зэрэг найман улс руу аялахаас зайлсхийхийг зөвлөжээ.
Эх сурвалж: ВВС
