Ажилтнаа бейсболын төмөр цохиураар цохиж танхайрсан МИАТ-ын хэлтсийн даргыг ажлаас нь чөлөөлжээ

МИАТ компанийн хэлтсийн дарга ажилтнаа бейсболын төмөр цохиураар цохиж буй бичлэг олон нийтийн сүлжээгээр тарсан. Уг бичлэгийн тайлбарт, болж буй үйл явдал Чингис хаан олон улсын нисэх буудлын хоёрдугаар давхарт байрлах ажилчдын өрөөнд болсон хэмээн бичжээ. Иргэний агаарын тээвэр дэх цагдаагийн хэлтэс уг асуудлыг гомдол, мэдээллийн бүртгэлд авч, шалгаж эхэлсэн байна. Мөн энэ тухай МИАТ ХК-иас мэдэгдэл гаргаж, тухайн албан тушаалтныг ажлаас нь чөлөөлжээ.