Улс төрийн намууд хуралдаж, УИХ-ын сонгуульд нэр дэвшигчдээ тодруулж байна. Эрх баригч намын дарга У.Хүрэлсүх ЖДҮ-тэй нэр холбогдсон гишүүдийг нэр дэвшүүлэхгүй хэмээн мэдэгдэж байсан удаатай. Мөн өөрийнх нь эсрэг байр суурь илэрхийлэгчдийг энэ удаад өнжөөхөөр болсон гэх мэдээлэл ч бий. Ямартай ч УИХ-ын 20 гаруй гишүүнтэй уулзаж, тойргийн мандат олгохгүй гэдгээ дуулгасан талаар УИХ-ын гишүүн Х.Нямбаатар Бага хурлын өмнө сэтгүүлчдийн асуултад хариулахдаа онцолсон.
Тэгвэл одоогийн байдлаар нэр дэвшихгүй, энэ удаагийн сонгуулийг өнжихөө илэрхийлсэн гишүүдийг танилцуулж байна. Үүнд:
-УИХ-ын гишүүн Ж.Энхбаяр
-УИХ-ын гишүүн Ц.Гарамжав
-УИХ-ын гишүүн Л.Энхболд
-Шадар сайд Ө.Энхтүвшин
-УИХ-ын гишүүн Я.Содбаатар
-УИХ-ын гишүүн Д.Хаянхярваа
-УИХ-ын гишүүн О.Содбилэг
-МАН-ын Ерөнхий нарийн бичгийн дарга Д.Амарбаясгалан
-МАН-ын Нарийн бичгийн дарга Ц.Бат-Энх нар нэр дэвшихгүй гэдгээ албан ёсоор мэдэгдээд байна.
buzznews.mn