Засгийн газрын Хэрэг эрхлэх газрын дарга Г.Занданшатар УИХ-ын дарга болсон. Иймээс ЗГХЭГ-ын даргаар хэнийг томилох талаар МАН-ын Удирдах зөвлөлөөр дөнгөж сая хуралджээ. Ингээд Удирдах зөвлөлийн гишүүдийн 100 хувь саналаар УИХ-ын гишүүн Л.Оюун-Эрдэнийг ЗГХЭГ-ын даргад дэмжсэн байна. Үдээс хойш Удирдах зөвлөл дахин хуралдаж Зам тээврийн хөгжлийн сайд болон Боловсрол, соёл, шинжлэх ухааны сайд сайдын нэрийг тодруулна гэсэн мэдээлэл байна.
УИХ-ын гишүүн Л.Оюун-Эрдэнэ нь 2016 оны УИХ-ын сонгуульд Хэнтий аймгаас нэр дэвшиж, сонгогдсон юм.
ТӨГССӨН СУРГУУЛЬ, МЭРГЭЖИЛ:
- 2001 онд Бэрс дээд сургууль, сэтгүүлч
- 2005 онд Австралийн Мельбурнийн их сургууль, Олон улсын төсвийн менежментийн чиглэлээр мэргэжил дээшлүүлсэн
- 2008 онд Монгол улсын их сургуулийн Хууль зүйн сургууль, эрх зүйч
- 2008 онд Монгол улсын боловсролын их сургуулийн Нийгмийн ухааны сургууль, боловсрол судлалын магистр
- 2011 онд Монгол улсын их сургуулийн Улс төр, нийгмийн шинжлэх ухааны сургууль, улс төр судлаач
- 2015 онд АНУ, Харвардын Их сургуулийн Төрийн удирдлагын сургууль, магистр
АЖИЛЛАСАН БАЙДАЛ:
- 2001 онд Хэнтий аймгийн Бэрх хотын захирагчийн албанд Тамгын газрын дарга
- 2002 онд “Дэлхийн зөн Монгол” ОУБ-ын Хан Хэнтий нутгийн хөгжлийн хөтөлбөрийн удирдагч
- 2006 онд “Дэлхийн зөн Монгол” ОУБ-ын Бүсийн захирал
- 2008 онд Баянзүрх дүүргийн Нийгмийн бодлогын хэлтсийн дарга
- 2009 онд МАН-ын Удирдах зөвлөлийн Хэрэг эрхлэх газрын дарга
- 2016 оноос Монгол Улсын Их Хурлын гишүүн
