ШШГЕГ-ын "Сүлд" спорт хороо, "МТ" группын тамирчин ОУХМ Ганболдын Хэрлэн эхний өрсөлдөгч Туркийн Синан Сандалийг вазари үнэлгээгээр ялж 1/16 шигшээд шалгаран үлдлээ. Тэрбээр одоо Мароккогийн Абдеррахмане Боушитатай өрсөлдөнө. Түүний жинд нийт 75 жүдоч хүч үзэж байгаа бөгөөд тэмцээний гуравдугаар тойргоос гал гарсан барилдаанууд явагдаж эхэллээ. Тэмцээний эхний шуугианыг Гүржийн Ваза Маргвелашвили тарьлаа. Өнгөрсөн оны ДАШТ-ий хүрэл медальт, Европын аварга В.Маргвелашвили энэ удаад Германы Себастьян Седельд цэвэр ялагджээ. Герман жүдоч дөрөвдүгээр тойрогт ДАШТ-ий гурван мөнгөн медальтай ОХУ-ын Михайл Пульяевтай барилдана.
Харин эмэгтэйчүүдийн 52 кг-д барилдсан ОУХМ Бишрэлтийн Хорлоодой Узбекистаны бөхийг даралтаар цэвэр яллаа. Ингэснээр тэрбээр шилдэг наймд үлдхийн төлөө Бельгийн Чарлин ван Сниктэй хүч үзнэ.
