МАН-ын Удирдах зөвлөлөөс 2018 оны 3,4 дүгээр улиралд багтаан аймаг, нийслэлийн намын хороодын хурлыг хуралдуулах тогтоол гаргасан. Тэр дагуу Нийслэлийн МАН-ын хорооны тэргүүлэгчид өнөөдөр хуралдаж, Бага хурлын товоо тогтоолоо. Ингэхдээ Нийслэлийн МАН-ын 34 дүгээр Бага хурлыг ирэх сарын 21-нд хуралдуулж, 369 төлөөлөгч оролцуулахаар санал нэгдсэн байна.
Мөн хурлыг зохион байгуулах ажлын хэсгийг байгуулж, хэлэлцэх асуудлын дарааллыг баталлаа. Нийслэлийн МАН-ын хорооны 34 дүгээр бага хурлаар тус намын хорооны болон хяналтын хорооны тайлан, зохион байгуулалтын асуудал буюу МАН-ын даргын асуудал хэлэлцэх юм.
