Сангийн сайд Б.Жавхлан өөрийн цахим хуудсаараар дамжуулан НӨАТ-ын 2021 оны нэгдүгээр улирлын буцаан олголтын урамшуулал маргааш буюу 2021 оны дөрөвдүгээр сарын 21-ний өдөр иргэдийн дансанд орно хэмээн мэдэгдлээ.
Тэрбээр "Энэ улиралд нийт 1,023,235 иргэн 40,6 тэрбум төгрөгийн буцаан олголт авна. Цар тахлын хүнд цаг үед “Эрүүл мэндээ хамгаалж, Эдийн засгаа сэргээх цогц төлөвлөгөө”-г дэмжиж татвараа төлсөн татвар төлөгч иргэнд танд баярлалаа" гэжээ.
