Улсын Ерөнхий прокурор Б.Жаргалсайхан нэгдүгээр сарын 16-нд УИХ-ын гишүүн Н.Номтойбаярын бүрэн эрхийг түдгэлзүүлэх саналыг УИХ-д өргөн мэдүүлсэн.
Мөн энэ асуудлаар Халдашгүй байдлын дэд хороо хуралдана гэж байсан ч таван гишүүний хоёр нь томилолттой яваа тул ирц бүрдэхээр буюу өнөөдөр хуралдана гэж байсан. Тэгвэл өнөөдөр хуралдах байсан УИХ-ын гишүүний Халдашгүй байдлын дэд хорооны хуралдаан мөн л тодорхойгүй хугацаагаар хойшлогджээ.
Зарим эх сурвалжийн мэдээлснээр тус дэд хорооны ирц 100 хувь бүрдэж байж Н.Номтойбаярын асуудлыг хэлэлцэх бөгөөд гадаадад томилолттой ажиллаж байсан УИХ-ын гишүүн Д.Лүндээжанцан ирсэн ч ХХААХҮ-ийн сайд Ч.Улаан томилолтоос ирээгүй байгаа аж.
Халдашгүй байдлын дэд хороо маргааш хуралдах төлөвтэй байна.
