Эрүүл мэндийн сайдын өгсөн үүрэг, чиглэлийн дагуу ЭМЯ-ны Төрийн нарийн бичгийн дарга Д.Очирбат Засгийн газрын хэрэгжүүлэгч агентлаг Эм, эмнэлгийн хэрэгслийн хяналт, зохицуулалтын газарт ажиллалаа.
Эм, эмнэлгийн хэрэгслийн хяналт, зохицуулалтын газар нь 2020 онд Засгийн газрын тогтоолоор байгуулагдсан. Эмчилгээ, оношилгооны өндөр идэвхтэй, аюулгүй, чанарын баталгаатай эм, эмнэлгийн хэрэгслийг хэрэглэх нөхцөлийг бүрдүүлэх зорилгынхоо хүрээнд үйл ажиллагааны ил тод байдлыг хангаж, иргэд, аж ахуй нэгжид төрийн үйлчилгээг нээлттэй үзүүлэх үүрэгтэй байгууллага юм.
Төрийн нарийн бичгийн дарга Д.Очирбат тус байгууллагын барилга байгууламж, хүний нөөцийн асуудлаар ЭЭХХЗГ-ын даргын албан үүргийг түр орлон гүйцэтгэгч Ш.Энхтуяатай санал солилцож, шийдвэрлэх арга замын талаар ярилцлаа.
Долоон газар, хоёр хэлтэс, 100 гаруй ажиллагсадтай тус байгууллага өөрийн гэсэн байргүйгээс Сүхбаатар дүүргийн нэгдүгээр хороонд UBH төвд байрлаж байсан Эм, эмнэлгийн хэрэгслийн хяналт зохицуулалтын газар Чингэлтэй дүүргийн гуравдугаар хороо Энхтайван найрамдлын ордонд ажиллагаагаа явуулж буй юм. Цаашид ажиллагсдын ажиллах орчин нөхцөлийг сайжруулах, иргэд төрийн үйлчилгээг тав тухатай орчинд хүндрэл чирэгдэлгүйгээр авдаг байх тал дээр анхаарч ажиллах шаардлага байгааг Д.Очирбат хэллээ.
