Нийслэлийн хэмжээнд өнгөрсөн долоо хоногт аврах ажиллагааны 8, гал түймрийн 41 дуудлагын дагуу алба хаагчид үүрэг гүйцэтгэн, 61 иргэний амь нас, 2 тэрбум 125 сая төгрөгийн өмч хөрөнгийг авран хамгаалав.
Аврах ангийн аврагчид хаалга онгойлгох, ууланд төөрсөн, өндрөөс аврах, ууланд осгосон, цогцос гаргах, лифтэнд гацсан, мөс цөмөрч автомашин голд орсон дуудлагаар шуурхай ажиллалаа.
Бүртгэгдсэн гал түймрийн дуудлага мэдээллээс үзэхэд гэр хороолол, зуслангийн бүсэд өвөл, зуны сууц, монгол гэр, амбаар, автомашин шатсан дуудлага зонхиллоо. Эдгээр нь яндангийн цонолт, ил гал, цахилгаан угсралт ашиглалтын буруугаас гал түймэр гарсан шалтгаан нөхцөлтэй байна.
Гал түймрийн аюулаас эрүүл мэнд, амь насаа хамгаалж, аюулгүй байдлаа хангахыг онцгойлон анхааруулж байна.
