Өнөөдрөөс буюу аравдугаар 19, 21-нд баруун болон төвийн аймгуудын ихэнх нутаг, 20-нд нутгийн хойд хэсгээр, 22-нд нутгийн зүүн хагаст хур тунадас, цас орж, хүйтэрч, салхи шуургатай байна гэж цаг уурын байгууллагаас мэдээллээ.
УЦУОШГ-аас гаргасан дөрөв хоногийн урьдчилсан мэдээгээр 19-нд баруун аймгуудын ихэнх нутаг, говийн аймгуудын нутгийн зарим газар, төвийн аймгуудын нутгийн баруун хэсгээр, 20-нд нутгийн хойд хэсгээр, 21-нд баруун болон төвийн аймгуудын нутгаар, 22-нд нутгийн зүүн хагаст хур тунадас, цас орох төлөвтэй байгаа ажээ.
Салхи 19, 21-нд баруун, төв болон говийн аймгуудын нутгийн зарим газраар, 20, 22-нд говь, талын нутгаар секундэд 14-16 метр хүрч ширүүсч шороон болон цасан шуурга шуурна.
Иймээс ОБЕГ-аас цасан шуургатай үед иргэд, малчдыг анхаарал болгоомжтой байж, шуурганд төөрөх, малтайгаа уруудах, осгох, амь насаа алдах зэрэг эрсдэлээс урьдчилан сэргийлэх, бага насны хүүхдийг хараа хяналтгүй орхихгүй байхыг онгойлон анхаарууллаа. Түүнчлэн жолооч нарыг хөдөө орон нутгийг зорих гэж буй бол батлагдсан зам маршрутын дагуу зорчих, техникийн бүрэн бүтэн байдал, зорчигчдын аюулгүй байдлыг хангах, автозамын нөхцөл байдал хүндрэлтэй байгааг анхаарах; /дулаан хувцас, бензин шатахууны нөөцтэй байх хэрэгтэйг зөвлөж байна.
Түүнчлэн яг одоо ургац хураалтын ажил ид үргэлжилж байгаа. Тиймээс ургацаа цас, мөсөнд даруулахгүй байхыг анхаарулж байна.
