ШӨХТГ-ын даргаар С.Мөнхчулууныг томилжээ

Засгийн газрын  өнөөдрийн ээлжит бус хуралдаанаар Шударга өрсөлдөөн, хэрэглэгчдийн төлөө газрын /ШӨХТГ/ даргыг түр орлогчоор С.Мөнхчулууныг томиллоо.

ШӨХТГ-ын даргаар Т.Гантулгыг өнгөрсөн нэгдүгээр сарын 19-нд томилсон. Гэвч өөрийн хүсэлтээр чөлөөлөгдөх хүсэлтээ өгсөн аж.

С.Мөнхчулууны намтар 

  • 1979 онд төрсөн
  • 1997-2001 онд Техникийн их сургуулийг механик инженер,
  • 2011-2013 онд Удирдлагын академийг төрийн удирдлагын магистр зэрэгтэй 

Тэрбээр 2009-2010 онд нийслэлийн Өмчийн харилцааны газар, Бүртгэлийн мэргэжилтэн, 2010-2012 онд нийслэлийн Өмчийн харилцааны газар, Төр, хувийн хэвшлийн түншлэл, концессын хэлтсийн дарга, 2012-2016 онд Сонгинохайрхан дүүргийн Засаг даргын Тамгын газрын дарга.

2008-2009 онд СХД-ийн МАХН-ын хорооны дэд дарга, 2016 оноос Нийслэлийн Намын хорооны гишүүн, МАН-ын Бага хурлын гишүүн, Нийслэлийн МАН-ын хорооны гишүүн, Нийслэлийн МАН-ын хорооны дэд даргаар ажилласан. Тухайн ондоо МАН-аас нэр дэвшиж, Нийслэлийн Иргэдийн Төлөөлөгчдийн Хуралд Төлөөлөгчөөр сонгогдсон, дараа нь НИТХ-ын Тэргүүлэгчээр сонгогдсон, Улмаар НИТХ-ын Хууль зүй, төрийн байгуулалтын хорооны даргын албан тушаалыг хашсан. Харин 2016 оны арванхоёрдугаар сараас 2018 оны арванхоёрдугаар сар хүртэл НИТХ дах МАН-ын бүлгийн даргаар тус, тус ажиллажээ.